2010/12/02

إذا عدينا اليوم الكاس كويتي






لاتلعب في بحره تغرق





 اليوم بآخذ بريك من السياسة  مع نهاية الإسبوع

توقعت منذ مشاهدتي للمباريات الأولي أن يكون النهائي بين الكويت  بطل غرب آسيا 2010 والعراق بطل آسيا 2007 , فحتى الآن هم الأفضل مستوي ولكن شائت الأقدار أن يلتقيان بالدور القبل النهائي , أتوقع بأن الفائز اليوم سيكون هو الأقرب للقب الخليجي العشرين  .

المباراة صعبة وندية , الفريق العراقي يتفوق علينا باللياقه وأجسام لاعبينهم  , ومنتخبنا يتفوق عليهم بالمعنويات العالية وفنيات الاعبين . 





فهد العنزي , ماشالله ماشالله ربي يحفظك , نجم البطولة بدون منازع , أتمنى أن يحصل على عرض من أحد الأندية الأوربية حتى تصقل موهبته جيدا وفي هذا العمر , مسوي للخصم مشكله بالجناح اليمين  , ربي يوفقك وتسجل اليوم أول أهدافك .

المباراة الساعة الرابعة عصرا بتوقيت الكويت .




عطلة نهاية إسبوع سعيدة ممزوجة بطعم الفوز  و دعواتكم للمنتخب الكويتي     






22 comments:

الوحده الوطنيــــه said...

صبحك الله بالخير

يبيلنا خثاق نفس بول نسميه عتريس
يطشر بويوهنا الحبر ماله
و يقول لنا النتيجه
و ان طلعت ضدنا
نحدق فيه بالركسه حق الحياييس عقابا له
خوووووووخ

بو البنادل الله يسمع منك و ايوفق الازرق

الجودي said...

ربي يحفظهم مدام اللعب مع العراق و يعطيهم القوة و يوفقهم يارب

قلوبنا صج معاهم اليوم غير

يارب تسوق الهدف ولا تعوقه
اللهم آمين

وإن شاء الله نهاية اسبوع سعيده لك و للكويت كلها

طموحة مملوحة said...

الي رفع اسم الكويت والمنتخب ..

..


..


..


..


مقيم بصورة غير قانونية ( بدون )

:)

حَافِـيَةُ الَقَدمَيّـنْ ولِبَاسِي المَطـرْ said...

واللي رفع اسم الكويت


كافئته الكويت , إن تمدد لهم سنتين جدام
عشان يتمون بالبيت اللي قاعدين فيه

علما إن ابوالعنزي , وصل له طلب احتراف حق ولده

لكن رفض , قال احنا كويتين
نحىى ونموت بهالديره

وشوف الديره ومكافآتها !!!!!!!!

بس محد لعبها صح غير المشعان
يدل درب مصلحته زين

Anonymous said...

محد له فضل علي الكويت

ومهما عملنا حق الكويت ما نطلع من جزاها

الله يوفق المنتخب

Anonymous said...

اتمن ى فهد العنزي يروح لدوله تقدر البشر

اهم شي الدفاع كافأ اهله بتمديد فتره لسحب البيت عقاب ولا مكافاه هذي؟

Anonymous said...

هلا بالبندول الخوش من صديقك العنزي

يا أخوي ما شاء الله عليه فهد العنزي روح معنويه عاليه وأداء متميز والله لو انا مكانه وبدون جان مالي خلق ألعب أو أطيح نفسي وانتظر عرض +جنسيه وبلاازرق بلا عوار رأس

الرجال قاعد يلعب ويبون يطردون أهله من بيت شعبي بالصليبيه اللي يقول طاردينهم من الجنه لا وبالنهايه يطلع قرار من وزير الدفاع بالتمديد سنتين شدعوه تكلفتوا والله

حرام مواهب تروح من الكويت مغنيين ولاعبين ليش؟؟

المفروض اذا في مكافئه لازم تكون قبل المباريات حتى يتحمس اللاعب أكثر

وعلى فكره يقال ان ثلاثه من لاعبين المنتخب بدو مو بس فهد العنزي

الشي بالشي يذكر
الاعلامي عبدالوهاب العيسى قال عن المنتخب السعودي بقايا حجاج الحين شنو رايه بمنتخبنا البدون؟؟؟؟؟

Um il sa3af wil leef said...

الله يوفقهم ..اليوم حافل مباراة الكويت والعراق ..ومباراة الدويله والضباط ..
فهد العنزي والمطوع عادوا أيام الثمانينات

تيك كير
:)
هاف نايس ويك اند

الليوان said...

ياربي يوفقهم
اللهم آآآآمين
ويرد علمنا يرتفع بكاس الخليج
وباذن الله ربي معاهم مادام اللعب مع العراق

ناعمة الهمس said...

موفقين باذن الله

عثماني said...

عسى الله يوفق منتخبنا

قولوا امين

:)

Q8-Borgy said...

الله يوفقهم يارب

وكلنا ناطرين فوزهم بذن الله

الطوسي said...

أعتقد أن الكويت الى النهائي ..

مَـــــعْــــمَــــعَـــــه said...

الحمدلله رب العالمين

ألف ألف مبروك

خوش ويك اند

Sn3a said...

يابووه!
جذيه الواحد يقضي ويك اند ممتع حتى بالبيت

OUR Gulf Cup is 90 minutes away ان شاء الله

رورو الشخبوطه said...

الحمدالله عديناها ..

مبروك..

ويارب الكاس كويتي..

طموحة مملوحة said...

الف مبروك فوز الكويت بالمباراة الصقوعية اليوم .. مباراة تخرع من قلب

نمووول said...

الف مبروك للازرق
وان شاء الله الكاس لنا

منتخب العراق مو هين
بس لاعبينا قدها وقدود

عطلة نهاية اسبوع سعيدة
ومساءك فل وريحان

panadool said...

الزملاء الأعزاء

تحية لكم بطعم فوز المنتخب اليوم
يسعدني تواجدك بالمدونة جميعا


مباراة صعبة

مر المنتخب بصعوبة
الحمد لله

يوم الأحد مع السعودية


الوحده الوطنيــــه

لوووووووووووووووووول
تذكر الاخطبوط بول
يبيلنا واحد كويتي
ونسميه عاضه
لوووووووووووووووول
حبيب يالزميل


الجودي

الحمد لله عدينا اليوم

طموحة مملوحة

إي والله سالفته مو خوش
المفروض يجنسونه


حَافِـيَةُ الَقَدمَيّـنْ ولِبَاسِي المَطـرْ

أممممممممم

إنشالله يتعدل حاله
أنا متفائل علشانه


العنزي الحبيب

أكييد
وأكثر شيئ عاجبني فيه اخلاقه
جدا خلوق

المواهب تروح وتتجنس بره
وفالحين يجنسون ممثلين ومغنيين
الحمد لله


Um il sa3af wil leef

الحمد لله على الفوز
أما دويلة وربعه
فإنني الآن أتابعه وأنا أكتب

الليوان
إنشالله الكاس كويتي
الأحد مع السعودية

ربي يسهل

ناعمة الهمس
والحمد لله توفقنا

عثماني
آآآآآآآآآآآآآآآميييييييييييييييييييين

Q8-Borgy
وفزنا
والحمد لله

الطوسي
مولاي شكلك سيد
:)


مَـــــعْــــمَــــعَـــــه
هلا بالقاطع

خوش لعبة وأنت الصاج

Sn3a

من زمان ما أستانست الناس
الحمد لله


رورو الشخبوطه

أوف
بالغصب

طموحة مملوحة

لووووووووووووووووووول



النهائي يوم الأحد مع السعودية
الله يعين
شكرا لى مروركم جميعا من مدونتى

panadool said...

نمووول

الحبيب الفيلسوف
تحية لك
يسعدني تواجدك بالمدونة

قول يالله
على اللعبة الياية

يوم الأحد

وإنشالله الكاس كويتي

شكرا على مروركم من مدونتى

واحة خضراء said...

مبرووووووك للاشقاء الكويتييين هذا الفووز

بووليد said...

الحمد لله عدينا