2010/02/16

الكاسكو كوكو




قبل كتابة  مدونة اليوم  ..  ما أعتقد أحد ينسى هذا الشتاء 2010  اللى مر علينا اللى تقول صيف مو شتا , مامر علينا البرد كلش وهو من أدفئ السنين وماكان حلو بالمره , مو بس علينا حتى بالأقليم كله الظروف تقريبا متشابهه .


هواية من هواياتى ...  تربية الطيور بأنواعها ... وبالتفصيل أكثر البغبغاوات ... المكاو الامازون الكاسكو الكوكاتو .... بس اليوم بكتب عن عضو مهم بالبيت وهو الكاسكو  وأسم الدلع كوكو , وهذ الاسبوع يصادف مرور عام على وجوده بالمنزل بعد إن أشتريته فى العام الماضى وكان عمره 8 شهور .


صور طيور الكاسكو صغيره بالعمر .. فروخ



ونبذه عن هذا الطائر
وهو طائر إجتماعى جدا , لاتستغرب انه بعد فتره وجيزه يصبح واحد من أفراد الاسره , يقلد الكلام والاصوات وبعضهم يغنى وينادى كل شخص بإسمه , لونه رمادى وذيله أحمر , يتواجد بأفريقيا , كاميرون وخاصه كينيا ونيجيريا , مايقال إنه هولندى هو أنتاج مزارع وليس مكانه الفطرى الطبيعى , فهو طائر أستوائى, وإليك الملاحظات عن هذا الطائر :

يتميز الفرخ عن غيره بسواد لون العين الذى يفتح مع مرور الوقت ... أقل من سنه .
لاتستطيع تمييز الذكر من الانثى إلا بالفحص الطبى
لاتجعل جوز منهم فى قفص واحد ... قد ينتج عن ذلك فقع عين بعضهم أو إصابة أحدهم بسبب الحب لأنه دفش جدا  !!!!   وتوقع إذا مات أحدهم يلحقه الاخر بعد أيام قليله أو يسكت للأبد .

طعامه الحبوب ويأكل الفواكة والخضراوات أيضا واللى عندى يموت على الخبز والحلويات .. ولاتستغرب ... كان عند صديقى كاسكو بس يشوف الببسى يصير مينون .
يحفظ الاشخاص لحد كبير  اللى يحبهم ويكرهم وهو طائر حساس جدا
ينطق الحروف بوضوح وله قدرة كبيره على الحفظ والكلام  طبعا فى سن مبكره من سنه حتى خمس سنوات وللعلم العمر الافتراضى لهذ الطائر من 40 الى 50 سنه
ضعه فى مكان حيوى بالمنزل مثل الصاله أو مدخل المنزل حتى لايكون منعزل وانطوائى
يحب السباحه ... يفضل إستحمامه أسبوعيا .
تنظيف القفص يوميا وتبديل الماء كذلك .
طائر قمه بالوفاء  لاينكر الجميل أبدا  .... وربيت  من هذا النوع من الطيور الكثير  منذ صغرى وبالمرحله الابتدائيه  وهى من هواياتى المفضله ,


هذا كوكو وعمره الان تقريبا سنه و8 أشهر يقول أسماء البيت ويعطس ويكح ورنات الموبايل وكل واحد وصوته وأترككم مع باقى الصور, على الرغم من عمره الصغير إلا إنه فى بداية الطريق




هنى مكان المنصه ..  الغناء والرقص



طبعا عنده مشكله مع الكامره والفلاش ... يخاف منها كل ما قربت منه ينحاش , ولذلك يادوب تصوره من بعيد لبعيد



مكانه المفضل فوق القنفه


طبعا بغيت أصوره فيديو وأعرضه بس خفت عليه من العين خصوصا لما يقول يالله , او لما يقلد ضحكتى  أو لما يتحلطم  لووووووووووول

بريك سريع بعيد عن السياسه بما إن الأوضاع هدووووء  لأن مجلس الامه  بإجازه



الحمد لله رب العالمين




35 comments:

why me said...

يا حلاته


:)

بس انا وحده اخاف من الكاسسكوات والطيور



أذكر مره بنت خالتي بطلت القفص حق الكاسكو والاخ قاعد يتمشى وما حب يطير الا صوبي



أصرخ هذيج الصرخه

لوووول



كان يوم أسود




صباحك ورد:)

جبريت said...

انت كاسكوك صارله سنه انا شقول الي من 92 موجود والثاني من 94 موجود لو افقدهم شبسوي؟؟؟

انا العود مسميه كوكو الثاني مسميه تليت اذا ما تعرف التليت يعني تشريب

panadool said...

why me

بالعكس

هذا الطير الناس يأذونه وهو كلش مسالم

أنصحك بتربية واحد

وشكرا على المرو من مدونتى

panadool said...

جبريت


عندك كاسكو من سنة 92 وللحين موجود؟؟
بلللللللل


وذكرتى بذاك اليوم اللى مات كاسكو عمتى وسووا عزا بالبيت
كان عندهم من سنة 85
ومات ب2009



والتليت أدرى أنه تشريب
وماأدرى ليش هالكلمه تضحك
وأنا عرفت التليت قبل التشريب


لووووووووووول كنت أقول تليت محد يفهمنى بعدين حولت وسويتها تشريب



شاكر مرورك

جبريت said...

قول ما شاء الله عزيز علي هالكاسكو ياما عضني على غشمره وياما جعر فوق راسي لما تأدب وياما شجع معاي المنتخب ايام عزه وياما شجع معاي ناديي المفضل كاظمه بييييييه قصص لا تحكى بيني وبين هالكاسكو

OPENBOOK said...

السلام عليكم
سعدت بزيارة تلك المدونة الجميلة والمتنوعة والتجوال بين متون الادراجات...
مع خالص تقديري
http://freebook.maktoobblog.com/

mohaned said...

السلام عليكم
سعدت بزيارة تلك المدونة الجميلة والمتنوعة والتجوال بين متون الادراجات...
مع خالص تقديري
http://freebook.maktoobblog.com/

جبريت said...

قول لا اله الا الله وما شاء الله على الكاسكو ترا ما ارضى علي

انسان said...

بسم الله الرحمن الرحيم
اللهم صل على محمد وآل محمد
السلام عليكم ورحمة الله وبركاته


الله يسلمك انا كاسكوي بالضبط صارله سنه تقريبا وعيونه صفرت بس ليمن الحين يخربط بالكلام بس ما يحب في البيت غيري

ويطير ويصعد عالايد ويبوس بس لسانه مو راضي يفتلت

وكان عندي واحد ومات وقبله عندي واحد عمره من عمري بس توفى بعد 22 سنه

الله يرحمه

والله يهنيكم ويرزقنا وياكم

panadool said...

جبريت

ما شالله

ماشالله

عينى بارده لاتخاف

panadool said...

انسان

الله يعطى كاسكوك طولة العمر

عيل جبريت عنده كاسكو من 1992

بيييييييييييه

خل أقول حق الربع بالديوانيه عن كاسكو جبريت :)



وشاكر مرورك

panadool said...

OPENBOOK

ياحيالله

وعطنى رايك كل مره


شاكر مرورك

أحلام said...

السلام عليكم
اسعدني المرور بمدونتك المنوعه والجميلة
اخوي بانادوول
واشكرك لزيارة مدونتي المتواضعة
وان شاء الله ماراح تكون الاخيرة
تحيااااااااااتي
اختك : حفيدة الزهراء (ع)

why me said...

وييييييه

الحين انت بتحط دوبك دوب كاسكو جبريت


لول


جبريت لازم يقرا على كاسكوه
عشان يحميه من عيون ربعك اللي بالديوانيه
;p

Hamad The 5th said...

معلومة اضافية
يكره ولا يتأقلم مع القفص المدور لسبب غير معروف
ولكنها حقيقة علمية

panadool said...

أحلام

حياج الله وشكرا على المرور من مدونتى

panadool said...

why me

متابعه جيده :)

panadool said...

Hamad The 5th

حيالله بو خماس

فعلا أنا سامع هالمعلومه بس مانى عارف
ليش


وشكرا

why me said...

yes ofcourse :)

رورو الشخبوطه said...

السلام..

نايس ماشاءالله يشوق..

الله يخليه لك يارب :)

انا اخاف منهم بس ودي يصير عندي واحد يونسني :)

بس جنه حبهم اقشر :\

ومشكور..

..pen seldom said...

أي والله ..

أنا للحين عندي أمل أن الشتاء يمكن ما بعد يبدأ

؛)

ما حسينا فيه أبدا , يعني صحيح مر علينا كم يوم بـاارد جداً ,, بس أغلب الأيام عادي الجو ..

يلا الحمد لله على كل حال ..

.....


أما عن الطيــور ..

فأنا جبــانة درجة أولى ’ أخوي عنده نوع من هذي الأنواع ما أدري شنو أسمه , ودايم عيال اخوي يقولون له طلعه لنـا ,,
بس ما أتحمل أقرب جنبه , ومافيه أمل حتى أني المسه ,

:|

بس أحب أشوفهم من بعيد لبعيد ,,

صراحه شكل اللي عندك يونس
المره الجايه نبقى الفديو ..
بنذكر الله قبل لا نشوفه ,,

=)

.. تحيـاتي ..

aL-NooR . said...

احب الكاسكو من بعيد لي بعيد
كان عندنا واحد قبل الغزو
و بعيد اطلقوا سراحه
بعد مو مال
يقعد
بس اذا ما خاب ظني
مات من التلوث
:(

خووووووش
كاسكو
شكله قوي
;p
والله عيني مو حارة

*********************

Safeed said...

عندي بالبيت
Yellow-headed Amazon
يبتها من تكساس من كانت فرخ، تتكلم اسباني وحاطها بالصالة بدون قفص تطير وتروح وين ما تبي
صارلها تقريبا 6 سنوات نست الاسباني
وبطلت تتكلم عربي .. واكتفت بالسلام على الداخل والطالع بس
!!

panadool said...

رورو الشخبوطه

بالعكس طيور جدا أليفه

وعلى قولتج حبهم أقشر
ببيت والدتى من كثر دفاشة نثية الكاسكو كسرت ريل الذكر وصاير معيوب ويعرى للحين بسبتها حسبى الله عليها

أعطيك معلومه أخرى

أكو نوع من البغبغاوات أسمه أمازون
مايتزاوج الا مره وحده بحياته


يعنى إذا تزاوج مره وماتت النثيه او طلعت معيوبه مافى مجال يثنيها
والحال مع الانثى كذلك


ولذلك تناسلة بطيئ وععده قليل


شاكرلك المرور

panadool said...

pen seldom

الشتاء المتواضع هذه السنه


والطيور أليفه وتربيتها متعه أنصحك بالتجربه


وشكرا على المرور من مدونتى

panadool said...

aL-NooR .

عينج شكلها من النوع الليزرى

لوووووووووووول


شكرا على المرور من مدونتى

panadool said...

سفيدان


أنا مصدوم منك

اللى يقرا مدونتك وأسلوبك يقول هذا واحد بعيد عن هالسوالف
توقعت ان معلوماتك بالطيور أبيض
كما إنك كذلك سفيد

ومو كاسكو أمازون بعد

عندى أمازون وتربيتها وايد حلوه وتتكلم جمل طويله

مانقدر نحلل الشخصيات من خلال مدونات أو كتابات قد تكون المدونة وجه محدود للشخص ولاتستطيع توقع شخصيته أكثر


شكرا على مرورك من دونتى

طموحة مملوحة said...

كان عندنا واحد ولمن مات كلنا بجينا عليه الله يرحمه :(

ٵنثے ملآئكيـﮧ ~ said...

أنت و أبوي تتوآلمون
عنده الكآسكو تقريباً من 10 سنين أو أكثر الله أعلم
طبعاً إهتمآمه فيه و يسولف معآه أكثر منه :p
نوعاً مآ يقهرني سآعآت و يكسر خآطري سآعآت أخرى
مآحبه يطلع برآ القفص شزينه و أهو بالقفص
بس الوآلد يحب يدلعه :p
:
يعطيك العآفيه
وحبيت الموضوع لأن ذكرتني بـ أبوي مو حباً بـ الكآسكو :D
شكراً

رهبرى said...

أنا عندى واحد ملعوزنى

لما ينام يشخر

ذبحنى وصوته مرات مزعج ومرات يخرع

خوش موضوع وتقبل تعليقى الاول على مدونتك

panadool said...

طموحه مملوحه

خصوصا لما يتعود عليه البيت

وشكرا على مرورك من مدونتى

panadool said...

ٵنثے ملآئكيـﮧ ~

على قولت الربع صاير الكاسكو مع أثاث البيت

تحياتى الحاره

panadool said...

رهبرى

حيالله الزاير اليديد

أحجز له موعد عملية بالصباح يمكن عنده لحميه :)


بس سالفتك غريبه كاسكو يشخر

إذا تبى تبيعه على خرابه قولى أنا شراى

وعاود لنا المرور

مع تحياتى الحاره

msha3erha said...

ليش كل كاسكو يتسمى كوكو؟؟؟

هم احنا عندنا 2 واحد منهم كوكو

عجبني الموضوع =)

Haitham هيثم Al-Sheeshany الشيشاني said...

آآآآآآآآآآآآآآه
حنزعل من بعض شكلو
:]]]

أنا لا أطيق الطيور و لا الحيوانات!

أبدا ً

:)