2010/10/11

فلم takers








من زمان ما شفت فلم خوش مثل هالفلم بالسينما , أمس خذيت  الحب ورحت فلم takers  بمجمع 360  , بطولة    ChrisBrown,MattDillon  وإخراج   John Luessenhop , فلم ممتع جدا , وكانت الصاله بارده مره , وخرمس حيث إن الوقت متأخر  , والقصه بإختصار مجموعة من لصوص يخططوا بعناية فائقة ويرسموا استراتيجية دقيقة لتنفيذ مؤامرة سرقة بنك ، لم ألتفت لساعتي طيلة الوقت حيث إن الفلم مليئ بالأحداث .

طبعا لاتشوف الشباب المجسمين اللى كانوا بالصاله  بعد الفلم إشلون عايشين الدور . 


تذكرت فلم   فلم scarface  للممثل البارع ألبتشينو , حيث إن المافيا هى محور القصه للفلمان , ولكن فرق كبير بينهم , وبالرغم من إني شاهدت فلم  scareface  4 مرات إلا أنني بعد العوده للمنزل فى الساعة الثانية والنصف ليلا شغلت الفلم ( ولهت عليه )  وشاهدته للمره الخامسة  ونمت الساعة الرابعة فجرا , وكأني أراه للمره الأولي .




هذي أفلامي ,  جرايم ومافيا اللى يحب هالنوع من الأفلام  شوفوه وإدعيلي

 
 
 

18 comments:

le Koweit said...

من كلامك حسيت انه قريب حق فيلم ذا ايتاليان جوب
او ستيل
او اوشن 11
وكلهم افلام سرقة

اذا جذي نظامه اتوقع بيكون حلو :)

Anonymous said...
This comment has been removed by a blog administrator.
ناعمة الهمس said...

اهمس و قول

مشكور اخوي ع النبذة المختصرة للفلم
بس خوفك عقب ما نشوف نخطط شلون نروح نبوق طماط !!!! بط

Engineer A said...

الفيلم عجبني حيل

واول مره اتعاطف مع مجرمين ولصوص واوقف بصفهم :))

لو كويت الفيلم فعلاً ذكرني ب ذا ايتاليان جوب حتى اهم يقولون بالفيلم
let's do the italian job :)

اذا ماني ناسيه .. بس صج احب افلام الاكشن والمشكله قبلها رحت فيلم ذا ديلر حق احمد السقا

والفرق شاسع ما بين الفيلمين والمستوى!!

يعطيك العافية

Engineer A said...

وين راح تعليقي؟ :(

الزين said...

يعني اروح اشوفه؟

مدونة الكويت ثم الكويت said...

شكرا على توضيحك للفلم وإذا في فلم تحس إنه يستحق المشاهده أرجو أنك لا تبخل علينا بالتنويه عنه


تحياتي عزيزي

واحة خضراء said...

روعة يا بندول
حسرتنا

صار خاطري اشوفه

ri7ana said...

الفلم الاول ماشفته
بس سكارفيس شفته وايد وايد وعندي بالفيفور فايلزز
وانا من عشاق المافيا + ال باتشينو + دينيروو
اختيار موفق

kuwaiti women rights said...

شوقتوني اشوفه

ناعمه الهمس حده بط xP

panadool said...

le Koweit
الزميل العزيز حقوقي
تحية لك
يسعدني تواجدك بالمدونة


والله الفلم خوش
أنصحك بمتابعته

تحياتى الحارة

شكرا على مروركم من مدونتى

panadool said...

ناعمة الهمس

الزميلة العزيزة اللى يايز لها الجو
:)
تحية لك
يسعدني تواجدك بالمدونة


لووووووووووووول


السالفة ماتسوي طماط
دوري شيئ أكبر

تحياتى الحارة
شكرا على مروركم من مدونتى

panadool said...

Engineer A

الزميلة المتألقه
تحية لك
يسعدني تواجدك بالمدونة

الفلم مليان حده
يادوب تلحق عليه
بس ناقصة نيكولاس كيج ويخلصني

تحياتى الحارة
شكرا على مروركم من مدونتى

panadool said...

الزين
الزميلة العزيزة زوزو
تحية لك
يسعدني تواجدك بالمدونة

إذا تحبين هالنوع من الأفلام
مافيا وحرامية وخيانات ونجره
شوفيه راح يعجبج


بس مو تعصبين إذا ماياز لج
:)

تحياتى الحارة
شكرا على مروركم من مدونتى

panadool said...

مدونة الكويت ثم الكويت
الزميل المتألق والخوش
تحية لك
يسعدني تواجدك بالمدونة


أبشر

سينمتنا يادوب تزل فلم خوش

أتمني تطلع شركة ثانية للمنافسه

من حيث الأسعار ومستوي الأفلام


تحياتى الحارة

شكرا على مروركم من مدونتى

panadool said...

واحة خضراء
الزميل الخوش
تحية لك
يسعدني تواجدك بالمدونة

هلا بريحة البحرين

طلبه أو إشتريه
ولاتتحسر
:)


أكيد نازل عندكم لأنه يديد
أو مر الكويت أبد حذفة عصا
وأنا أقوم بالواجب
حاضرين للطيبين

شكرا على مروركم من مدونتى

panadool said...

ri7ana
الزميلة الخوش
تحية لك
يسعدني تواجدك بالمدونة

سكارفيس مصيبة
دشي على اليوتيوب وشوفي كواليس سكار فيس

كان كادر الفلم المخرج والمنتج يخشون من إغتيال من بعد تهديدات من قبل المافيا بعدم تمثيل الفلم

وحتى الفندق والأماكن اللى مثلوا فيها كانت تخضع لحراسة مشدده

الفلم فظيع سكار فيس


عاد أمس مر يمي واحد بنفس مواصفات البوست اللى كاتبه عنه
:)

بس مو وافد
المشكله إنه كويتي


شكرا على مروركم من مدونتى

panadool said...

kuwaiti women rights
الزائرة الجديدة المتعصبة للنساء
تحية لك
يسعدني تواجدك بالمدونة


شوفيه
الفلم خوش


تحياتى الحارة
شكرا على مروركم من مدونتى