2011/03/06

دلوعة وبخيلة










عمرها عندي 4 سنوات , بسرعة تبرد بالشتاء , بطيئة النمو , متروسه شوك , بالصيف ما تتحمل الحر فتضطر تظللها لتخفيف الشمس عنها وتحتاج الماء مرتين باليوم , يحبونها العناكب والآفات فلازم ترشها بالمبيد كل 3 أشهر , وتحتاج الى تسميد وفيتامين مرتين بالسنة لأن نظامها الغذائي معقد ورشيق , أي شخص يمر يمها تنئرف منه لأنها تعتقد إن ريحتها أحلي , أواسيها وأساحلها لمن تزعل , وأشاركها فرحها لمن تفرح , كل هذا علشان تطلع لي 3 وردات بالسنة !!!!!!!!


البخيلة الدلوعة , هذي صفات شجيرة الجوري أو ( الجل المحمدي ) , هذا الحب يبني وبين الجوري , وإشكثر المحب يصبر ويتحمل حتى الشوك اللي فيها ,  الله لايبلي أحد بمثل هالحب , يخرب بيتك شو حبيتك


مقال سابق مفصل عن  الجوري  الرابط









24 comments:

Anonymous said...

يالذيذ يارايق

panadool said...

Anonymous 1

تحية لك

بريك شوي من السياسية

شكرا على مروركم من مدونتى

Anonymous said...

إذا تذكر واعديني قبل فترة إنك تكتب عن المحاولات التجارية الفاشلة

للحين أنا ناطر

panadool said...

ههههههههههههههههههههه

للحين أنت موناسي

هي مسودة بس يبيلها شغل

أنا كاتب عن 3 مغامرات ناجحه

شوفهم تراهم خوش

Anonymous said...

مفكر أفتح مطعم إشرايك

panadool said...

ماعندي فكرة بس اللى أعرفه إنه السوق الإستهلاكي متشبع مطاعم

إلا إذا فكرة يديدة

Anonymous said...

مثل شنو ؟

Anonymous said...

السلام عليكم

موضوع جميل تشكر علية

اخوي بنادول جرب ملكة الليل وكف مريم وهم عندي مجنونة تر حلوين ويعجبونك و مو معقدين نفس اللي عندك :)

تقبل تحياتي اخوك مشاري السندي

le Koweit said...

حلو الجوري
وخصوصا لما يكون غااااامج
:)

Anonymous said...

اكبر و اجمل ورد جوري شفته في حياتي كان في بلدة اسمها كوكونتن في تيركي جنوب لندن ,ريحته شي مو طبيعي

panadool said...
This comment has been removed by the author.
Anonymous said...

اللى أعرفه عنك وأنا قريب منك إن لك مجموعة كبيرة من الفل اللبناني
وريحتهم تصك الراس

ليش مو يايب طاري

وعندك بعد ريحة ورد الليمون أو البرتقال قبل لايحمل

موصج


ودي أفظحك بسوالفك الزراعية والنباتية بس أخاف ما تنشر تعليقي

حبيب بو البنادل
من حبيبك بوجويس

الفرقد said...

الجوري مرتبط الآن بثقافة الفرح عندنا مسكة العروس لا تخلو من الجوري كما اعتقد ...

وهو ركز للعشاق لكن ثمة ما هو اجمل منه من وجهة نظري الاوركيدا

ويبقى للجوري رمزيته رغم بهاء الاوركيدا

مدونة الكويت ثم الكويت said...

شلك بالجوري وشوكه أصلا الحين حتى ريحه مافيه ؟

خلك على الفل طال عمرك :)


يا حبكم حق تمرمر قلوبكم بس هم ما تنلامون :)


تحياتي يا العاشق :)

Anonymous said...

هذا انتو يالرياييل ما تحبون إلا إللي تمرركم و تعذبكم و إللي تخليكم تركضون وراها و تتمون رضاها عموما الحب حلو و يستاهل

Anonymous said...

انتو جذيه يالرياييل تحبون اللي تحسر فيكم و تعذبكم و صباح الحب

panadool said...

مشاري السندي

تحية لك

أعرفهم

بس هذوله أشجال والجوري شجيرة

وهذول يعيشون بالحر بس الجوري بارد


على قولتك معقدين

لوووووووووووووووووول


شكرا على مروركم من مدونتى

panadool said...

le Koweit

الزميل الخووووش

تحية لك

أكيد

الحمر ما يغرز

:)

شكرا على مروركم من مدونتى

panadool said...

Anonymous 2

تحية لك

عموما بأوربا الجوري متوفر

هولندا وإيران

يعتبران الأكثر تنويعا وإنتاجا للجوري

وعلى قولتك الريحة مو صج

شكرا على المعلومة وبقرأ عن هالمدينة

شكرا على مروركم من مدونتى

panadool said...

Anonymous 3

ول ول ول ول

أنت شمطلعك
:)
هلا بوجويس

كل مره شوي
اليوم جوري
وبعدين فل

والله يبتها ييب
لأنك تعرفني

ورد الليمون مو صج

مو تكثر سوالف
:)

شكرا على مروركم من مدونتى

panadool said...

الفرقد

الزميل المصور

تحية لك

لاتخلوا دولة عربية من موروث الجوري

العراق سوريا مصر

بالسعودية جاري التحضير لمشروع زراعي ضخم لإنتاج الجوري وبكميات تجارية


شكرا على مروركم

panadool said...

مدونة الكويت ثم الكويت

الزميل الخووووووووووووش

تحية لك

حابها

ومنشفا ريجي

:)

عله
مو هواية



شكرا على مروركم من مدونتى

panadool said...

Anonymous 4

تحية لك

ياصباح النور


موشرط

:)


شكرا على مروركم من مدونتى

Haitham هيثم Al-Sheeshany الشيشاني said...

من العنوان لآخر كلمة .... حس مرهف و كلام جميل :)


*بيطلعلها تتدلع
:]]]]