2010/07/28

فلم high lane




                                                    

الله يا ضيقة الخلق والملل ,  خل أتحلطم شوي قبل البوست
الجو بره لاهوب , وهالسنة يمكن أحر صيف مر على الكويت من خمسين سنة , الدرجات تحجي بالخمسينات يوم وترك , متى يدلق سهيل ويفكنا جوود إن الحرارة تهدي شوي
رمضان بالطريق وما بقاله شيء , والناس مهلوسه على اللحم , يخافون إنه يخلص !! مع إن الخير وايد
والحريم شغالين تخطيط وإستعداد حق الطباخ ومتابعة المسلسلات
الجرايد طايحيله تشييش وتسخين مو كافي الصيف اللي أحنا فيه .
النواب شغاليين إقتراحات ما أدري من وين ييبونها والمجلس معطل .
رئيس الوزراء  زاير دول ما نعرفها وأول مره نسمع فيها وطايحله توقيع على إتفاقيات ومشاريع بدال ما يشوفون المشاريع اللي عندنا .
البورصه شغاله الأسهم بالنازل , الأسعار تضيق الخلق , كل ما أشوفها أدييها حبتين بنادول  , ماكو إلا سهم زين صامد   .
الإيميل مفول ويبيله قعده بو يوم ونص .
الشاليه والبحر والمجمعات والمطاعم  صار شيئ مكرر وممل
الحداق طلعت 3 مرات هالشهر , ماأصيد غير الجم , غيرنا الييم غيرنا المكان غيرنا الطراد , هالجم لاحقنى لاحقني
الدواوين وزوارة الأهل مافي أحد الغالبيه  مسافرين
الممشا والنادي محاربهم من شهر ونص .




===============================================







الى الصامدون بالصيف على أرض الكويت







فلم high lane

بطولة
Fanny Valette, Johan Libéreau
المخرج
Abel Ferry

قصه حقيقيه حدثت بالبلقان بالتحديد كرواتيا , قروب من 3شباب وشابتان قرروا فى يوم العطله  عمل رحله وهي عبارة عن تسلق الجبال وبطريقه خطره على أن تبدأ الرحله صباحا وتنتهي قبل الغروب عند التلفريك وثم العوده , ولكن ماحدث لم يكن بالحسبان فإنقلبت المغامرة ( والكشته ) الى كارثه , قتل 4 منهم والأخيرة مفقوده .

حضرت الفلم أمس بالأفنيوز , وأنصحكم بمشاهدته , ليس مجرد مغامره , ففي المصاعب يبين الصديق الحقيقي من المزيف , ويبين الأناني من المصلحجي وتظهر علامات الإيثار عند البعض , ومثل ( ما يقولون مايبين رفيجك إلا بالسفر) , والنهاية مأساوية .






28 comments:

مشاري said...

السلام عليكم

أولاً الله يعينك على حالتك وإذا ما عندك شغل مر علينا الدوانية الله والنبي محييك

وبخصوص الافلام سبحان الله اخر جم سنة اغلب الافلام قصة حقيقية :)

تقبل تحياتي

اخوك مشاري السندي

le Koweit said...

مادري ليش ما قمت احب نظام هالافلام
احس مكررة سبعمية مرة :/

والله يعينا وياك على هالجو ...

رهبرى said...

الأسهم

أخذ تبريد
وبنك بوبيان

الأسعار مغرية

الحداق

جرب جنوب عوهه
يمدحون هالمكان
بس لاتنساني بالإيدام


الله يعين الكل
شكرا جزيلا

Anonymous said...

ههههههههههههههههههه
جم عاد
والفلم شفته حلو
وبدال ماتتحلطم سافر


جاسم

panadool said...

مشاري

الزميل العزيز والخوش
تحيه لك
يسعدني تواجدك بالمدونة

عساك عالقوه
ومن طيب أصلك


والافلام ذات القصص الحقيقيه تشوفها واقعيه أكثر من التأليف


مقبولة وتحياتى الحاره

شكرا على مروركم من مدونتى

panadool said...

le Koweit

الزميل المتألق جقوقي
تحيه لك

يسعدني تواجدك بالمدونة

شوفه وأدعيلي

أحلى من عسل أبيض
أو أسود

:)


شكرا على مروركم من مدونتى

panadool said...

رهبرى

الزميل العزيز
تحية لك
يسعدني تواجدك بالمدونة


بوبيان عندي وايد
ودي أبيعم

التبريد أعتقد إنها فاشله

على الله وعلى زين

بس قاعد أفكر آخذ برقان
نازل وايد
وسعره خوش


والأسعار للشراء جدا مغرية
لكن عندي شوية أسهم طايحيين موليه
وسيوله كلش ماكو
ناشفين


جنوب عوهه
أول مره أسمع بهالمكان

لاحجي ماني نازل بحر
الجم لاحقني لاحقني

شكرا على مروركم من مدونتى

panadool said...

Anonymous

تحية لك
يسعدني تواجدك بالمدونه

سفر ماكو هالسنه

الصمود بالحر له أجر
:)



شكرا على مروركم من مدونتى

فريج سعود said...

عناد عليك ماني رايح لهم




ليش تقول القصة



لا ويقول نهاية مأساوية بعد

esTeKaNa said...

مشكلتي مع هالأفلام:
ارد وانا تعبانه من الركض
وريولي تعورني من التسلق
:))

الزين said...

وانت الصاج
اكلناها هالصيفية
والملل مو طبيعي
وسالفة اللحم ما بينت الا قبل رمضان
المواشي وخنابيجهم توها تطلع
ولا السالفه وراها شغلة اكبر
سمج والسوق مافيه غير الباكستاني والسعودي
ومولع نار
دياي وشغل الكويت يلوع الجبد وزفر مدري شنو يأكلونه
لحم وكاهم ضربوا فيها
يعني شلون
نتحول نباتيين ابرك
!!

رئيس الوزراء فقد شعبيته هني راح يدورها هناك
الله يعينه

البورصه مالي شغل فيها والله يعين اصحابها

الإيميل من قلب دلييييت

والطلعة وحرمانها من الزحمه والنماين العجيبه اللي تشوفها

اما الحداق فخله على صوب
وييييييييييين راح السمج
ومن سمعك
غير الجموم والمجوة ماكو

زوارة الأهل ماوراها الا البلعة وصيحة اليهال

تدري
يايني هوس افلام رعب هاليومين
كل يوم انزل فلمين
بس ترى في افلام تححححفه

:)

صباح الخير

نمووول said...

الفيلم عنصري
ليش 3 شباب وفتاتين ؟
ماني داخله :)

صباح الخير

ٵنثے ملآئكيـﮧ ~ said...

إييه على هـ الجو عسى الله يرحمنآ فيه يآرب
تعبنآ من الصيفي و السبة الجو ، الحمدالله على كل حآل و مآ ورى الصبر غير الفرج
و أشوة أن قلت نهآية الفلم مأسآوية عشآن مآ أروح :p
مآحب النهآيآت تكون مأسآوية تأثر فيني وآيد
و تشكرآت ،

alsyasya said...

اذا حالتك جذي فكر في مشروع تلهى فيه شوي ويجدد حياتك >>يعني عطيتك الحل لوول

بس صح كلامك كل شي مكرر وممل استغفرالله

الله يعينا ..

Blog 3amty said...

إي سافر ..

ميمة السبيت said...

** والله امس كنت ادور فم حاو ندش له و هذا مافيه احد معرووف قلنا يمكن خربوطة

كلنا صامدين ياخوي الله يكون بالعون

عاضـه said...

هلا بنادول

رمضان بالصيف له نكهه خاصه
و مثل ما قلت الفطور الخفيف زين

و من جم سنه و نوع من التغيير
نطلع كل ويك اند برمضان عقب الظهر
و ناخذ فطورنا و يكون خفيف وايد
و نروح قاروه ، و قبل لا نوصل الجزيره
ب3 او 3 ونص كيلو
ننزل من اللنج و نسبح مع التيار
و اللي بالطراد يروح عنا باتجاه الجزيره لي غط الشوف علشان يامن علينا
و تالي يوقف يتحدق سماري على ما نوصله او نتعداه
لين نوصل الجزيره يميع
و عقب الفطور و دايما خفر السواحل يعزمونا
عندهم ( علشان جذي ناخذ ويانا فطور خفيف لول ) خوفك يكشتون فينا :) نروح
نحدق الاقواع و تالي نرجع
بحيث يكون سحورنا بالبيت
شغل عدل تكسر الملل و اذا لك خاطر هالسنه
حياك تعال طرق الوزار بس


مالي بالافلام
اخر فيلم دشيته الفك المفترس
الجزء الثالث اعتقد ثلاثي الابعاد
بسينما السالميه و حتي وزعوا علينا
نظارات كرتون ابيض

Multi Vitaminz said...

والله زين سويت طلعتنا اشوي من الأجواء الكئيبة ..!

حبيبي أنصحك بمشاهدة هذا الفيلم فهو رائع إذا كنت تحب هذا النمط من الأفلام :
Agora

http://www.youtube.com/watch?v=mvwN0DCQEiw&feature=related

وشكراً

panadool said...

فريج سعود

الزميل العزيز شريف روما
تحية لك
يسعدني تواجدك بالمدونه


لوووووووووووووول

روحله تري خوووش




شكرا على مروركم من مدونتى

panadool said...

esTeKaNa

الزميله الكريمه إستكانه
تحية لك
يسعدني تواجدك بالمدونة


ههههههههههه

لاتحاتين ماراح تركضين ولاتتسلقين
بتقعدين وتشوفين وبس


شكرا على مروركم من مدونتى

panadool said...

الزين

الزميله التى تحب القصص
تحية لك بحجم الهامور اللى يحب الزبيديه
يسعدني تواجدك بالمدونة


رئيس الوزرا راح يدور زباين يدد فى أمريكا الجنوبيه



أفلام الرعب خوووش

أنصحج بأفلام
saw

خمس أجزاء إذا مو شايفتهم

تحياتى الحاره
شكرا على مروركم من مدونتى

panadool said...

نمووول

الزميل العزيز والمتألق نموووول
تحية لك
يسعدني تواجدك بالمدونه


موعنصري

الشباب دايما غالبين البنات

هذي الفطره

:)

شكرا على مروركم من مدونتى

panadool said...

ٵنثے ملآئكيـﮧ ~

الزميله اللى عندها صيفي

تحية لك
يسعدني تواجدك بالمدونه


بالعكس
النهايات المأساويه حلوه ومفيده

:)


تشكرات

panadool said...

alsyasya

الزميله السياسيه اللى تحب الروايات
تحية لك
يسعدني تواجدك بالمدونه


ملل وروتين

والجو حار


الله يعين

شكرا على مروركم من مدونتى

panadool said...

Blog 3amty

هلا بولد العمه
تحيه لك
يسعدني تواجدك بالمدونه


مافب هالسنه مشروع سفر للأسف

وهذا إحنا طاحسين بالصيف

شكرا على مروركم من مدونتى

panadool said...

عاضـه

الزميل العزيز بوصور خوش
تحيه لك
يسعدني تواجدك بالمدونه

خوش مشروع مشروعك

أفكر فيه


والفك المفترس اللى عرضوه بالمركز العلمي
روعه

رحتله

بس هم الجماعه بطيئين فى تنويع الأفلام

هذى الأفلام العلميه كثيره وتنوعه

ماأدري ليش بس معلقين على موضوع البحر

شكرا على مروركم من مدونتى

panadool said...

Multi Vitaminz

الزميل العزيز
تحيه لك
يسعدني تواجدك بالمدونه

إنشالله أشوفه

شكرا على مروركم من مدونتى

ri7ana said...

شكل الفلم متوحش فيه دم وصراخ
خلنا بلاهوب الكويت ولا جبال اكورانيا :p
بسكم تحلطم اكثر شعب يتحلطم احنا :(
تبي تكسر الروتين
اخذ لك خيمه وروح البر وجرب شلون الاوليين كانو يعيشون
بدون سبل الرفاهيه