2010/08/24

اللى يحبون الكورفت







من أروع التصاميم لمصنع الكورفت  هو موديل الستنجري ,  الجيل الثالث من 68 الى 82  , ولم يستطع حتى الآن أي من مهندسين مصنع الكورفت أن يبتكر موديل يضاهي ذلك التصميم الفريد , فقام المصنع  بتوفير نوع جديد من التصنيع وهو ستنجري  موديل 2010  والتصنيع يكون على الطلب والسعر إبتداءا من 18 ألف دينار , هي ليست مجدده بل جديده والعداد أصفار ومواصفات الماكينة تشبه c6



كحلوا  عيونكم بهالصور , فهذه سيارات السنتجري موديل 2010 
 ... أضغط على الصورة لمشاهده أفضل


























أما حبيبتي العزيزة اللي يدلعونها بالبيت ( كومبش ) فسأظل محتفظ بها حتى تدخل من فئة السيارات الكلاسيكية وباقي عليها 19 سنه حتى يصير عمرها 30 سنه










16 comments:

نمووول said...

القصة خطيرة
اكثر شي يعجبني بالكورفت ان التصميم محتفظ بعراقتها يعني الاساس واحد وشوية تغير

عاد بجم ؟

الأستاذ مزيكا said...

شي شي

بنادول انطر على اشوي عندي صور سيارات عن مختلف السيارات الكلاسيكيه بعضها نادر نادر وشكلها غريب واخصها الكورفت

المشكلة كانوا اول لما يعرضونها يحطون وحده لايكاد يسترها شيئا فوق الكبوت تمايل
علشان جذيه خربوا الصور ولما تسوي بالفوتوشوب تشيل البنت يخرب الشكل صج صج سيارات غريبه

enter-q8 said...

اقول من اللحين صاحبنا تلاقي اشتراها

panadool said...

نمووول

الزميل العزيز اللى مصكر مدونته للتصليحات
تحية لك
يسعدني تواجدك بالمدونة

الكورفت فخر الصناعه الأمريكيه
قيادتها شي ممتع للغاية
لاتقولي بورش ولاموستنج ولاكمارو
كلهم سايقهم مايوون على الكورفت


موللبيع
:)

شكرا على مروركم من مدونتى

panadool said...

MSMAAR

مسمار العزيز
تحية لك
يسعدني تواجدك بالمدونة


أدري فيك إختصاص الكلاسيكي
ما تخلي

أطالبك بجم صوره من السنتجريات القديمه

شكرا على مروركم من مدونتى

panadool said...

Enter-Q8

الزميل العزيز أبا الوليد
تحية لك
يسعدني تواجدك بالمدونة


لا ما عنده بيزات
:)


الله يعينه كله يقول ماعندي
خله قاعد يمع علشان عنده مشروع يقول


ومبارك عليك باقي الشهر

شكرا على مروركم من مدونتى

Anonymous said...

بنادول تسلم على البوست
انا من زمان ودي بكورفيت بس كل ما أسأل واحد يقول الموتر مزعج كله يخترب وحراره
انا اذبحني ولا تعطيني سياره تخترب وتوقفني بالشارع عشان حرارتها مرتفعه
بما انك رجال كورفتي يعني راعي كورفت
هل الكلام اللي يقولونه صحيح وشرايك شتنصح
وماهي الموديلات اللي تنصحني فيها وشنو اللي اوخر عنه

وتسلم

مَـــــعْــــمَــــعَـــــه said...

بنادول حبيب القلب

انا مو من عشاق السبورت وجنها سياره قديمه ما جنها 2010 وشكل حيل عادي

ما شفت سيارت صاحبنا وهو بالبدله

مشاري said...

السلام عليكم

تحية طيبة لك ياخوي بنادول انا مالي بالسيارات

وانا داش هني اطلبك طلب ممكن اطقلي فرة بسيارتك الحبيبة ؟

تحياتي لك ;)

اخوك مشاري السندي

panadool said...

Anonymous

تحية لك
يسعدني تواجدك بالمدونة

ماشالله أسألتك يبيلها بوست كامل
:)

أغلب السبورات مزعجه ولكن الموديلات الجديده أصواتها عادية

كله يخترب
لأ على حسب الشخص والإستعمال


حراره
لها حلين
الأول تبدل الترموستات بدال 60 وتحط 90

المراوح بدال ماتشتغل على ثلاث أرباع
تتعير وتشتغل على النص

يسويها التركمانى وفيصل دشتي خلف سوق رامز بالشويخ


بس قوله ياي من طرف بنادول
:)
علشان مايضرب عليك بالسعر

الستنجري روعه
وأحلاهم

وكل موديل له ميزه

عموما إذا معزم لاتكون الكورفت هى سيارتك الأساسيه

يعني المفروض عندك سياره ثانيةرسمية
وماصير الدق على الكورفت بروحه

وبعد فى وايد تفاصيل

قد ماتسولف بالكورفت ماتعطيه حقه

شكرا على مروركم من مدونتى

panadool said...

مَـــــعْــــمَــــعَـــــه

الزميل العزيز والخوش
تحية لك
يسعدني تواجدك بالمدونه



غذا تقصد صاحبنا
شياب لياب

طاع سيارته يقولك كان مصنع طائرات

الحمدلله على قدي أسولف



شكرا على مروركم من مدونتى

panadool said...

مشاري
الزميل العزيزي السندي
تحية لك
يسعدني تواجدك بالمدونة



حبيب والله ماطلبت شي

خلها عندك إسبوع

الله يعيني بهالأسبوع إشكثر بحاتيها
:)


يبيلك واصد أنصحك فيه
ونفتح مدونه إسمها مدونه كورفت الكويت
:)


حبيب يامشاري

شكرا على مروركم من مدونتى

قـلـم رصـاص said...

تشوف خيرها ويكافيك شرها

Anonymous said...

والله تسلم على المعلومات والنصايح

بس وين تحصلك واحد نظيف

وبعدين عادي سو لك بوست عن الكورفيت ترى الكورفيت يستاهل

الحين انت تقول اسالتي يبيلها بوست كامل
بلاك ما سمعت الاسئله والحنه اذا شريت لي واحد
:)
وتسلم وما قصرت

panadool said...

قـلـم رصـاص
الزميل الخوش والصاعد
تحية لك
يسعدني تواجدك بالمدونة


الله يسلمك

شكرا على مروركم من مدونتى

panadool said...

Anonymous

تحية لك
يسعدني تواجدك بالمدونة

إبشر
حط إيميلك
أو ددز لى إيميل بإسمك

وإذا صار فى سيارة نظيفه للبيع
أخبرك

ومن النصايح لاتاخذ كورفت من ورا إستعمال كويتي
غالبا عندهم سوء إستعمال
فتشوف السيارات مهردقه ووصخه
أنصحك بالوارد من أمريكا أو اليدد


ودش هالعنوان
http://panadol75.blogspot.com/2010/04/blog-post_29.html

شكرا على مروركم من مدونتى