تقرير بلير

        الكويت الى الافلاس 2030 تقرير تونى بلير مستشار الحكومة الكويتيه وضع يده على الجرح تماما وانا لو صاحب قرارلتبنيت التقرير بالكامل ووضعته مشروع خطة الحكومة لموقره , التقرير نشرت منه بعض الفصول جريدة القبس اقل ما يقال عن حال البلد ....... " الشق عووووود " بمعنى اخر , يوجد مشكله تراكميه واخطاء بنيت على اخطاء فأدت الى مصائب ومشاكل معقدة وتحتاج الى وقت طويل , الحلو بالتقرير انه يستعرض كل 

مشكله ومعها الحل المتوفر لديك مع الاخذ بالاسباب المتاحه

سأكتب بعض المختارات من التقرير مثلا .............. المصروفات على التعليم لاتناسب مستوى الخريجين كما ان الاجتهادات تاتي على حساب الاجيال مثلا نقوم بتجربة نظام المقررات 20 سنه وبعدين يصير ناجح وسيعمم على كل المدارس وبعدين يصير فاشل ويلغى من الاساس ................ بالاقتصاد ذكر ان عمر لدوله اكثر من 45 سنه ومازال النفط 90% تقريبا من الدخل القومي ولايوجد تنويع مصادر دخل الاعتماد الكلى على بيع النفط وحتى لا يوجد تميز بالمصافي ولا الصناعات لنفطيه او البترو كيماويه, وسيأتى يوم يكون فيه قيمة النفط المبيوع لدفع الرواتب ويدوب يكفى يعنى بالكويتى حده حده

يوجد لدينا سوء اداره واضح جدا فى جميع قطاعات الحكومه والحل بالتخصيص , هناك سوء تخطيط على الرغم من وجود خبراء ووزاره ومجلس اعلى للتخطيط .

يوجد بالكويت فساد ادارى فاحش.......... محسوبيه وفأويه والحل محاربته واول شى تسويه الحكومه تمنع النواب من توقيع وتمرير المعاملات مو شغلهم المعاملات ..... شغلهم التشريع والرقابه وليس التوسط والمعاملات وحتى وصل الحال المخزى لبعض النواب للتوسط لمتهمين بقضايا قتل ومخدرات وجنايات لانهم محسوبين على بعض ........ وثانى شى تسويه الحكومه انها تنشأ هيئه لمكافحة الفساد الادارى وتكون كالسيف الساطع على الوزارات والمؤسسات الحكوميه مثل الحفارات اللى تطق وتضرب اسوار الكاربس بحدائق المنازل "لى اشتهت الحكومه تسوى شى " بنفس القوه والعنفوان القانون جميل على الجميع

نظرا لهذا النوم الطويل والنوم بالعسل مثل ما يقال صار عندنا جيل يفتخر اذا انحاش من الدوام او مثل ما يقولون" يزرقون من الشغل" ويروح الديوانيه ويفتخر جدام ربعه انه ماداوم اليوم والمراهقين يفتخرون انهم انحاشوا من الدوريه واحذفوا باص المواصلاة وكسرو جاماته والطلبه يسربون الامتحانات من المدرسين , وصار عندنا شعب مو حافظ الا كلمة " يامعود " كل ما قلنا شى او فهمنا الناس شى قالوا يامعود ويامعود, وفكنا يامعود, وخر يامعود, اسكت يامعود يامعود يامعود رووووح يا معود.

بنيه تحتيه غير مناسبه وانتاجية اغلب الموظفين بالوزارات هابطه ناهيك عن البطاله المقنعه .............. الكويت بلد جميل بلد صغير منعمه بالخيرات تستطيع ان تستغل هذه الخيرات لتحقق الكثير من الانجازات لتفخر بها امام العالم , الطيور طارت بأرزاقها وبالخليج الموضوع صاير من سبق لبق واليوم اللى يروح مايرجع والوقت من ذهب وربعنا للحين يناقشون ان الوانيت يركب عبرى او مايركب , والمظله عند البيت معلقه او بعامود ............. الحمد لله على كل حال