2010/10/02

فلاشات سريعة








لاحظ الأسعار المجنونة





الزميل العزيز  أبو الدستور  فى مدونته طرح موضوع   مهم جدا  ويتعلق بأمر يهمنا جميعا وهو ( الأمن الغذائي ) وهو لايقل أهمية عن الأمن الداخلي , هل تعلم أخي القارئ بأن  أسعار بعض الخضراوات  بلغت 4 أو 5 دناير بعد أن كانت سعرها لايتعدي الدينار  , إذا إستمر الوضع إسبوع آخر  سيكون سعر ماعون الفتوش أو التبوله بالمطاعم 3 دنانير من بعد ماكان نص دينار ( عاد إلا الفتوش

 المطلوب تدخل حكومي  وبصفه عاجلة لعودة الأسعار بشكل طبيعي , وعلى وزارة التجارة  أن تلتزم بأدني مسؤولياتها وهو الحفاظ على أسعار المواد الغذائية الأساسية , أضم صوتي لحملة الزميل الخوش .
على طاري الطماط أشوه إن ماعندنا مهرجان ( محاذف الطماط ) وإلا جم بيطلع تكلفة المهرجان ؟؟





عبدالله الثويني لم يقبل برفع العلم الأولمبي مكان الكويتي فقام
 برفع كابه وعليه علم الكويت وأخذ على هذا التصرف عقوبه من الإتحاد الدولي 


يكفي مهازل , وشوية ذوق , ويكفي  سالفة أبناء الشهيد , ويكفي عدم إحترام القانون , ويكفي ويكفي ويكفي  ياطلال الفهد .
كرمال عيون الكويت , وإن كان لابد من حل , فليكون حل وسط  , وبمبادره من الجميع , ويصبح رئيس الإتحاد شخصية محايدة . 

الإتحاد الوطني لطلبة الكويت فرع أمريكا وعبر موقعه نبراس   , وبجهود يشكرون عليها الصراحه قام بعمل فلم وثائقي عن الحركة الرياضية الكويتيه بعنوان النكبه الرياضية     وبالمناسبة هي أول مجلة ألكترونية فى تاريخ الحركة الطلابية الكويتية .

الفلم كان توثيقا مهما لما يجري بالساحة الرياضية الكويتية حاليا والتى أسميها ( بالبلطجه ) , ولذلك لايلام صالح الملا أو مرزوق الغانم أو أي نائب يتبني هذه القضية التى وصلت الى منع رفع علم الكويت فى المحافل الدولية , يعني القضية وصلت الى سيادة الدولة وعلم الوطن .









خاص للذين يعملون بوزارة الصحة
الدكاتره الإستشريون الإداريون والصيادله وفنيي التعقيم والمختبرات والأشعة والطواري والممرضين وأخصائي التغذية وغيرهم .

خالد السهلاوي , وكيل مساعد بوزارة الصحة
اللى عنده أي موضوع يتعلق ب
درجات بالإختيار , نقل ندب , بعثة الحج , ترقيات , إعفاءات , أي شيئ  بالإدارة القانونية , علاج بالخارج , تري الريال عروقة بالماي   , عادي يقظب بعض أعضاء مجلس الأمه الباب أو ما يستقبلهم , ميزانيات وإدارات تحت إيده , إستثناءات , أدوية مواعيد , وما يترك وراه دليل صريح للإدانه , حاط باله عدل مدل .
( حتى لو كانت المعاملات  مخالفة للقانون )

بلا ديوان محاسبة بلا رقابة ذاتية , كله  فساد إداري , راسك يشيب من كثر ما تسمع وتشوف .

يحب أن يكون الشخص الذي أمامه مبتسما , يحب كلمة ( طال عمرك ) وجملة (أنت تشوف شيئ إحنا مانشوفة )  ويحب يشرب ماي لقاح ليلة اليمعه  ... الخ



========================================================



video





عمره 5 أشهر ( فرخ ) , صارله عندي شهر ,   ذبحني , كلش مو حابني , حاولت أراضيه بشتى الطرق ولكن بدون فايده ,  ( يا من شراله من حلاله عله ) . 
بحاول معاه بعد شهر وإذا ما ظبط حاله تراني بياع بعد المساومه ب 120 دينار على خرابه .








46 comments:

BookMark said...

من صجه الفرخ!
مت من الخرعة :(

على شنو 120 بالله على سواد عيونه :)

أندلسي said...

أنا كاتب اليوم عن حل للطمام الخايس بعد حملة المقاطعة

وفر طماطك الخايس
لوييهن تستاهل

علي إسماعيل الشطي said...

سالفة الطماط مو فارقه معاي لأني ما أحب الطماط لكن معكم في أي خراب قادم :) هذا الماشي بالديره صرخ و سب و طلع جم متخلف بالشارع تاخذ اللي تبيه


تحياتي للعزيز بنادول

Anonymous said...

بندول الخوش


شنو تقول حق الكاسكو صل على النبي

شكو

لووووووووووووووول

Anonymous said...

أسعار الخضرا السالفة عادية
الحكومه نايمه بالعسل


والرياضة على قولتك لو فى شوية ذوق عند طلال الفهد لما صار اللى صار

وخالد السهلاوي ماني صوبه لكن ريحته بالصحه فايحه

وكاسكوك تبيعه ب 100

عزيز وغالي بندول

Anonymous said...

عليه الصلاة والسلام
اللهم صل وسلم وبارك على سيدنا محمد وعلى آله وصحبه اجمعين
آمين




اممممم
والله على راسي الليمون صج اميه بالاميه زاد السعر لكن يبقا نص دينار
ترى الليمون لا يمكن الاستغناء عنه يعني تلغي الطبق ولا تاكله بدون ليمون
تخيل تبوله بدون ليمون لووول
نو واي



على العصفور الرقيق
احب اقول له
الدنيا ما تسوى
ووايد متفائل بتبيعه ب 120 على شنو



وبعدين بندول ممكن تسوي لنا درس عن السيارات ؟ بليز شكلك تعرف
وشكرا

Anonymous said...

والله يابندول احبك لله في الله
:)


بوستاتك حدها صعبه

وتطلع اللي بقلبي

Engineer A said...

البوست قنبله :)

شاقول شاحجي؟ :) طلعت كل اللي بجبودنا وان شاءالله صوتك يوصل

ويحسون ربعنا على دمهم

الله المستعان

مادري ليش ما اطلعت لي صورة الفرخ بس من التعليقات فهمت انه كاسكو

ترى كاسكونا كان علة ويبط الجبد والحين نبي بس نسكته!!

فلا تيأس انطر عليه شوي وبتحذفه باجر بالسكة من قرقته :)))

|:| DUBAI |:| said...

وي ما اداني الكاسكوهات
بيت خالي عندهم
يزيغ بسم الله
: (

why me said...

يا حلو الكاسكووو



:)



صباح الخير

aL-NooR . said...

متابعة
:)

Q8-Borgy said...

شنو هالجبروت من التجار ليش شدعوه ياخي فكروا بالفقير ترا الفقير عايش على الخضرا تبون تذبحونه

يعني اوكي احنا من الطبقه الوسطه انزين وبعدين شكثر لي امته بندفع هالخضرا ماقلتن تنزل اسبوعيا في بيتنا وبعدين بلا نقط فلوسنا بس على الجبره


ماقول الا حسبيا الله ونعم الوكيل

Sami said...

ليش ما تسمعنا صوتك :)

الوحده الوطنيــــه said...

بنادول :)

لو هالكاسكو و هو مبطل حلجه
لاقمه بنقص معبوج ، جان تلقاه
يصير مؤدب و يسولف وياك هههه

بس كاسكوك متمرد ، و وايد عليه 120
تبيعه باربع صناديق طماط
:)))))

حبيب بنادول

الراية said...

لاتيبلي طاري السهلاوي لانه اهو قمة هرم فساد وزارة الصحه ومحركها وصدقني ومايقدرون عليه لانه يخترق مكان ويمسح اثاره وراه يعني مستحيل ديوان المحاسبه بيصيد الاي بي ماله

فريج سعود said...

ترى ما يسوى ١٢٠ دينار
















اقصد الوكيل المساعد

الزين said...

والله يالشيخ فلاشاتك عورت عيني

ويبي لنا نظاره شمسيه تخفف من حدتها


:$

ترى الكويت مسكينه وتعور القلب

Fishah said...

على طاري الطماط .. اليوم طلبت فطيره لبنه وطماط
ما شفت فيها الا ربع طماطه قاسمينها بالنص :/
بلشوا تجعص

الكاسكو شربه ماي لقاح :P

حَافِـيَةُ الَقَدمَيّـنْ ولِبَاسِي المَطـرْ said...

تصدق !
من سمعت الديوانيه اليوم
وكل ما اشوف احد ياكل طماط
بالتلفزيون , قلت بقلبي
يتهنى , طلع غني :P

اما الكاسكو
على نص الفيديو حطيته ميوت
حسيت إن فيه يني !! وخفت الصراحه

بس يا ترى شنو كنت تفكر فيه
يوم قلتله صل عالنبي ؟ :P

نمووول said...

ازمة الطماط
هاذي مؤامرة اسرائيلية :)

اما كاسكوك فانا اقول تبرع فيه لمختبر علم النفس وخلنا نسوي عليه تجارب وتكون بجذي ضحيت فيه في سبيل العلم

صباح الخير طويل العمر

قطعة_9 said...

يعطيك العافية أخوي بانادول
مريت الجمعية اليوم و أبشرك ترى نزل سعر الطماط يعني الدقوس طايح طايح عالغدى انشاءالله

و أما بالنسبة للثويني و الله مثال على حب الوطن و الوطنية و فعلا الكويت بقلوب أهلها بس شنسوي

الله كريم موفق بانادول

28q8 said...

الطماط..
هذه غيض من فيض
يكفي أن تراجع اسعار الكاكاو والحليب وتقارنها بخمس سنوات
تجد ان الزيادة تفوق 80%
السنيكرس مثلا
(وهو كاكاو الجميع المفضل)
كان بـ 100 قلس في 2000
واليوم بـ 180 فلس
وقس على ذلك ما شئت
...
هل تتوقع من التاجر أن يشبع دون حكومة تطورقه وتراقبه

SHOOSH said...

الحمدالله اني ما احبه

panadool said...

BookMark

الزميلة العزيزة
تحية لك
يسعدني تواجدك بالمدونة

عاد عيونة سوده

والسعر مدلع لأنه بالسوق علي 150

:)

شكرا على مروركم من مدونتى

panadool said...

أندلسي

الزميل الخوش صاحب مدونة إستح

تحية لك
يسعدني تواجدك بالمدونة


والله يالخوش حلك وايد أحسن

لأن البيض يعور ويدمر أكثر بالمحاذف
:)



شكرا على مروركم من مدونتى

panadool said...

علي إسماعيل الشطي

الزميل العزيز وبوحسين
تحية لك
يسعدني تواجدك بالمدونة

موشرط

الصيحه غير
وحملات بعض المدونيين غير

أترك بعض النماذج بمجلس الأمه

وبعين إشلونك مع الدقوس والمرق إذا ما تحب الطماط

ما أعتقد تستغني عنه

شكرا على مروركم من مدونتى

panadool said...

Anonymous 1

تحية لك
يسعدني تواجدك بالمدونة

علشان يسكت

:)


شكرا على مروركم من مدونتى

panadool said...

Anonymous 2

تحية لك
يسعدني تواجدك بالمدونة

الحكومة مقصره بالرقابة

120 توكل على الله


شكرا على مروركم من مدونتى

panadool said...

Anonymous 3

تحية لك
يسعدني تواجدك بالمدونة

ما يصير

التبولة بروحه يبيلها 3 ليمونات
:)

مو بس هذي
الثوم وايد مرتفع
وأيضا لاغني عنه


شكرا على مروركم من مدونتى

panadool said...

Anonymous 4

تحية لك
يسعدني تواجدك بالمدونة


الله يسلمك

إنشالله بس أستمر

إدعي لى إني ما أتغير

وأصير حكومي



شكرا على مروركم من مدونتى

panadool said...

Engineer A

الزميلة المهندسة بنت بطوطه

تحية لك

يسعدني تواجدك بالمدونة



نعم هو كاسكو
يبيلة صبر وطوله بال

بس يعل القلب

:)
شكرا على مروركم من مدونتى

panadool said...

|:| DUBAI |:|

الزميلة العزيزة من دبي
تحية لك
يسعدني تواجدك بالمدونة

بالعكس

ياحلاة الطيور

أحسن من الأوادم فى حالات كثيرة

شكرا على مروركم من مدونتى

panadool said...

why me

الزميل الخوش الغايبة
تحية لك
يسعدني تواجدك بالمدونة


صباح النور والكرامه


والله من النادر إن البنات يحبون الطيور

الأكثرية يخافون منهم
بس شكلج إجتماعية مع الطيور

يبيلج واحد
:)

شكرا على مروركم من مدونتى

panadool said...

aL-NooR .

الزميلة النور كله
تحية لك
يسعدني تواجدك بالمدونة

تشرفينا بمتابعتج

إنشالله دوم


شكرا على مروركم من مدونتى

panadool said...

Q8-Borgy

الزميلة البرغية
تحية لك
يسعدني تواجدك بالمدونة

البقاء للأقوي

ودور الحكومة شبه غالب

وكل شي نستورد من الخارج

فنقع تحت رحمة الإستيراد


شكرا على مروركم من مدونتى

panadool said...

Sami

الزميل النباتي
تحية لك
يسعدني تواجدك بالمدونة

سمعه للآخر
:)


شكرا على مروركم من مدونتى

panadool said...

الوحده الوطنيــــه

الزميل العزيز
تحية لك
يسعدني تواجدك بالمدونة

ههههههههههههههههههههههه

حسبي الله عليك
معبوج عاد

يصير أطرم موليه


حبيب يالمعظوظ

شكرا على مروركم من مدونتى

panadool said...

الراية

الزميل صاحب مدونة الراية
تحية لك
يسعدني تواجدك بالمدونة

نعم السهلان لاعب لعب بالصحه

ويخافون منه وايد
حتى الأعضاء

وعندي جم موقف غريب حتى الوزير ساكت عنه


الحمد لله

شكرا على مروركم من مدونتى

panadool said...

فريج سعود

الزميل العزيز شريف روما
تحية لك
يسعدني تواجدك بالمدونة


ههههههههههههههههه

الحين مو أحسن السهلاوي وإلا الكاسكو

شكرا على مروركم من مدونتى

panadool said...

الزين

الزميلة اللى هي إسم على مسمي
تحية لك
يسعدني تواجدك بالمدونة

الكويت مسكينه وتعور القلب


من قلب هالحجي

باد بخت


شكرا على مروركم من مدونتى

panadool said...

Fishah

الزميلة العزيزة
تحية لك
يسعدني تواجدك بالمدونة

لوووووووووووووووووووول


لو أشرب الكاسكو ماي لقاح اللي قاصده بالبوست

يإنه بيطلع سكران وفاقد وبيسولف موليه

وعلى طاري الفطاير
صبري بعد شوي لما يطلعون الطماط من المنيو

شكرا على مروركم من مدونتى

panadool said...

حَافِـيَةُ الَقَدمَيّـنْ ولِبَاسِي المَطـرْ
الزميلة الدسماوية الحافية
تحية لك
يسعدني تواجدك بالمدونة


زين ما قلت للكاكيو شيئ ثاني

مثل
بدر سوخته بالعيمي
:)


شكرا على مروركم من مدونتى

panadool said...

نمووول

الزميل الخوش جدا
تحية لك
يسعدني تواجدك بالمدونة

صباح النور يالشيخ



أمممممممممممممم

أخيرا كشفت السر يانمول
إسرائيل ورا السالفه


والكاسكو يبيله شوية صبر
وإذا تسنع أحط فيديو ثاني عنه

شكرا على مروركم من مدونتى

panadool said...

قطعة_9

الزميل الجديد
تحية لك
يسعدني تواجدك بالمدونة

والله صاير تضارب بالأسعار شيئ يقول مازال مرتفع وآخر نازل


الله يكون بالعون

شكرا على مروركم من مدونتى

panadool said...

28q8

الزميل اللى متزوج 3 وعمره 28
تحية لك
يسعدني تواجدك بالمدونة

نعم الاسعار بشكل عام وبالعالم أرتفع

ولكن الطماطم وبعض الخضراوات على إنها مفتعله

وبعدين يا حمش متى تاخذ الرابعه
:)

شكرا على مروركم من مدونتى

panadool said...

SHOOSH

الزميلة الخوش الشوش
تحية لك
يسعدني تواجدك بالمدونة


المعلومه ناقصه

ماتحبين الطماط

أو يمكن ما تحبين طلال الفهد

أو خالد السهلاوي

أو كاسكو

:)

شكرا على مروركم من مدونتى