2010/04/29

والله فرق









السيارة الأولى سيارة الشيخ ناصر الأحمد رئيس الوزراء
إسمها  بوغاتي فيرون (Bugatti Veyron)  صناعة فرنسية تصل سرعتها الى 400 كم فى الساعة تقريبا , تصنع يدويا وتستغرق 4 سنوات من العمل ولاتصنع إلا على طلب الزبون , المحرك 16 سلندر , قوة المحرك 1000 حصان وتحتوى السيارة على 10 مبردات ( الراديتر ) , وفى الصورة رئيس الوزراء وهو يتمشى بربوع سويسرا

السيارة الثانية  سيارة بنادول
كورفت c5 موديل 2000 , موجود عندى من 2003 شريته من مكتب , وهى الدفعة اللى يسمونها الكورفت الألمانى , حيث إن إحدى دفعات مصنع كورفت من فئة  c5 فى سنة 2000 تم تصنيع 100 سيارة فقط لألمانيا بمواصفات خاصة , وسيارتى وحدة من 100 , المحرك 8 سلندر وقوة المحرك 400 حصان , والسرعة 310 
مواصفات أخرى بالسيارة :  روس afr2- ذراع ايقل - بساتن دايموند- كام كمبودشن- براغي arb +  bbk7- شفتر قير + صينية وفريويل ألمنيوم والجبنه  spl ستيج 3+  سستم كزوز كامل من المكينه الى الدعاميه + بايب + سستم بورلا الجديد + هدرز لونق- بكره كرنك صغيره slp



يسمونها ( الكورفت )  السفينة الحربية , من صغرى فى ( الإبتدائى والمتوسط ) وأنا متيم بهذه السيارة  أتذكر كشكولى الذى كنت أجمع فيه صور الكورفت فى تلك الفترة وصار مثل ألبوم ضخم لصور الكورفت وموديلاتها ولكن واحد من الربع بالثانوى ضربة على ومارجعة الله يسامحة , عندى صور وذكريات وتاريخ طويل  مع السنتجرى وlt4 وzo6 وهذه السيارة الحالية c5 مازالت عندى , أعزها أكثر وحدة

ياجماعة الخير لحد ياخذ عنى فكرة إنى إزكمبى أو سبندى أو راعى تقحص وتشفيط مثل ما بعض الجناقل يسوون لما ترش السما شوية مطر ويقحصون عند الإشارات , ترى أنا مو من هالنوع للعلم , بس قومات أوكى  وعلى أصولة , وهذه ليست الرسمية هذى سيارة الهواية

تهقون إذا تسابقت مع البوغاتى إشكثر راح أطوفه  لوووووووووووووول , والله مو مبين , ولحد يقولى بورش وموستنغ وكمارو , ترى كلهم مطيوفين ومن صيد أمس  وحاطهم باللسة عندى .





16 comments:

le Koweit said...

صج لي قالوا
الله خلق وفرق :P

بس تصحيح معلومة يا الزميل
البوقاتي ما تنصنع بـ4 سنين !
لكن المحرك صنعوه (أو صمموه) بأربع سنين :)

بس وانا اقرا مواصفات سيارتك العجيبة لقيت اشياء غريبة
( ترا انا مو ذاك الزود فهمي بالسيارات )

الجبنة ... والصينية ؟

متاكد بنادول حاط مواصفات سيارتك ولا مطبخ بيتكم :p

Hamad Alderbas said...

يعطيك خيره ويكفيك شره

ترة السالفة مو سالفة جم حصان السالفة تعتمد على اللي يسوق :)

عين بغزي said...

لوووووووووووول

ماكو مقارنه بين السيارة الاولى و الثانيه الا بحاله دخلتها بسباق داخل شوارع الديره يمكن يمكن يمكن يمكن تطوفه :)

Anonymous said...

استح استح (: ريال شكبرك تسوق كورفت !!

Sami said...

صدقت ...والله فرق :))

واحة خضراء said...

اللمبرجيني 340 كيلو بالساعة سو معاها ريس لين طفتها حياك للبوكَاتي

صعبة عليك يا بندول

مركبنا said...

اخي بنادول من خلال السياره نكتشف ان لك مستقبل في كرسي رئيس الوزراء ,,

panadool said...

حقوقى

لووول

أغراض السيارات كلها جذى

تحياتى الحارة
وشكرا على مروركم من مدونتى

panadool said...

حمد

أحسنت

أهم شيئ السويق إشلون يسوق


شكرا على مروركم من مدونتى

panadool said...

عين بغزى

أكيد ماكو مقارنة

بس إذا أبادل معاه السيارة جم ويزيدنى علشان أرضى

شكرا على مروركم من مدونتى

panadool said...

Anonymous

نفس كلام عمى

لايكون أنت

شكرا على مروركم من مدونتى

panadool said...

Sami

هلا بالزميل العزيز
عاد اليوم يايبين طاريك

شكرا على مروركم من مدونتى

panadool said...

واحة خضراء

ماكو شيئ صعب للكورفت

عطونى 400 متر قصة ونصابق وشوف منو اللى يعدى

شكرا على مروركم من مدونتى

panadool said...

مركبنا

لووووووووووووول

صايرت من المواصفات الحين

إي صاجة ماتنلامين

إذا صرت رئيس وزراء فى القريب العاجل أول شيئ أسوية أخذ وكالة الكورفت من الغانم

شكرا على مروركم من مدونتى

Anonymous said...

هذي الدنيا الناس مقامات

بس الحمدلله إنك برأت نفسك من تهمة التقحيص والتشفط وأذية الأوادم

ماتدري لو تسبق البوغاتي ليش لأ:)

panadool said...

q8-lawyer

أكيد الناس مقامات لكن عند رب العالمين المقياس هو التقوى

شكرا على مروركم من مدونتى